Beidh sraith nua d’fhoghlaimeoirí Gaeilge, Turas Teanga, le feiceáil ar RTÉ agus ar TG4 ó dheireadh na míosa seo ar aghaidh, sraith a chuir comhlacht as Conamara, Abú Media, le chéile. Labhair Odi Ní Chéilleachair le duine de bhunaitheoirí an chomhlachta sin, Bríd Seoighe, faoin tsraith seo agus faoi na tionscadail shuimiúla eile atá idir lámha ag an gcomhlacht.

Tháinig grúpa daoine le chéile i Nua-Eabhrac Lá Fhéile Pádraig i mbliana le hairgead a bhailiú do theaghlach Mike Kelly, iriseoir a maraíodh le linn an chogaidh san Iaráic anuraidh. Tuairisc ó Tom Deignan.

Tá sé ag goilleadh go mór ar fheilméaraí na Tasmáine go bhfuil comhlachtaí móra mar McDonald’s ag ceannach glasraí ó thíortha eile agus tá feachtas tosaithe acu chun a míshásamh a chur in iúl go láidir. Tuairisc ó Dháithí Ó Colchúin.

Míníonn Roseanne Smith dúinn san alt seo nach gá a thuilleadh, buíochas do Dhia, do chárta creidmheasa a nascadh le Paypal ná lena leithbhreac d’fhonn gnó a chur i gcrích ar an idirlíon.

‘Ceart is cóir dó’ a deir Colm Mac Séalaigh, ‘ní raibh ann ach gur shin sé lámh chuidithe amach ar son a thíre’.

Tá díomá ar go leor de phobal iarthar Bhéal Feirste le hairí Shinn Féin sa Tionól agus, mar a mhíníonn Robert McMillen, tá fiú na cairde is dílse a bhí acu go dtí seo sásta an páirtí a cháineadh.

Is minic an Teiscinn Chiúin gan a bheith ciúin nuair a bhíonn an míol mór le cosaint ó shaint an duine. D’amharc Bearnaí Ó Doibhlin isteach sa scéal corraitheach seo.

Bhí an-rath ar dhráma Conor Mc Pherson i Londain ar na mallaibh, agus bhí John-Paul Mc Carthy i láthair lena mheas.

Beidh an cheolchoirm is mó a bhí acu go dtí seo in Éirinn ag Rodrigo agus Gabriela as Meicsiceo an mhí seo i mBaile Átha Cliath. Mhínigh siad d’Úna Nic Gabhann cad é a thug go dtí an taobh seo den domhan iad.

Tá Brian Ó Broin den tuairim nach gcaillfidh Barack Obama an chumhacht i dtoghchán na hUachtaránachta i mí an Mheithimh.

Tá Tony Birtill den bharúil gur mithid do mhuintir na hÉireann amharc ina dtimpeall, brath i gceart a bhfuil de shaibhreas ailtireachta na cosmhuintire acu agus go gcaithfear cúram mar is ceart a dhéanamh de.

Dar le Donncha Ó hÉallaithe insíodh scéal na dtrioblóidí i dTuaisceart Éireann, le dhá scór bliain anuas, sa chlár faisnéise faoi Bhernadette Mac Aliskey (Devlin), a craoladh ar TG4 le gairid ach deir sé go bhféadfadh a dearcadh ar an bpróiséas síochána daoine óga a mhealladh i dtreo na cogaíochta arís.

Bhí Liz Curtis buíoch gur míníodh di roimh ré go bhfuil cuid de na héin ar Oileáin Farne in iarthuaisceart Shasana an-fhraochta ar fad!

Is eolaí é Aralt Mac Giolla Chainnigh atá ina chónaí in Ontario, Ceanada. Míníonn sé anseo cad é mar a d’fhoghlaim sé an Ghaeilge agus labhraíonn faoi fhís atá aige féin agus roinnt Gaeilgeoirí eile sa tír.

Sa tsraith seo, cuireann Róise Ní Bhaoill agus Gordon McCoy cora cainte agus focail i láthair atá le fáil sa Ghaeltacht ach nach mbeadh ar eolas ag mórán de lucht foghlamtha na Gaeilge. Díríonn siad ar théama faoi leith gach mí. An mhí seo: ag ceiliúradh lá breithe