Déanfaidh an tAire Oideachais Mary Hanafin tionscadal nua de chuid Ionad na dTeangacha, Ollscoil na hÉireann, Má Nuad a sheoladh ag tús na míosa seo a bhfuil sé mar aidhm aige cur ar chumas foghlaimeoirí fásta Gaeilge cáiliocht a bhaint amach ag a mbeidh aitheantas Eorpach. Labhair Caoimhe Ní Laighin le Stiúrthóir an ionaid, Anna Ní Ghallachair, faoin tionscadal seo agus faoin obair cheannródaíoch eile atá idir lámha aici féin agus ag a foireann.

Táthar chun breis is fiche scoil Chaitliceach a dhúnadh i Nua-Eabhrac go luath agus buille an-mhór a bheas anseo do go leor daoine, dar le Tom Deignan.

Tá saothar ó bhlianta deireanacha an ealaíontóra Iodálaigh Caravaggio le feiceáil i dtaispeántas atá ar siúl i Londain faoi láthair. Féachann Ciara Nic Gabhann siar ar shaol an ealaíontóra chonspóidigh seo.

Bhí Sinéad Mhic Éamoinn an-mhíshásta lena saol i Meiriceá ach nuair a d’aimsigh sí an Ghaeilge tháinig feabhas mór ar chúrsaí.

Le cois a bheith ina amhránaí cumasach, is scoláire é Lillis Ó Laoire a bhfuil staidéar cuimsitheach déanta aige ar an sean-nós. Roinn sé roinnt dá chuid tuairimí ar an ábhar le hAntaine Ó Faracháin le déanaí.

Tá dallamullog á chur fós ag rialtas na hAstráile ar mhuintir na tíre maidir leis an gcogadh san Iaráic, dar le Dáithí Ó Colchúin.

Cuireann Balor, an tEacnamaí Eagnaí, comhairle orthu siúd a bhfuil na milliúin punt sterling le hinfheistiú acu.

Reáchtálfar toghcháin Údarás na Gaeltachta ar an 2 Aibreán. Scór ball a bheas ar an bhord úr - toghfar seacht nduine dhéag agus ainmneofar triúr eile (an Cathaoirleach san áireamh). Féachann Breandán Delap siar ar an téarma atá curtha isteach ag na comhaltaí tofa agus bronnann marc ar gach duine acu as an obair atá déanta aige nó aici.

Míníonn Diarmaid Mac Mathúna cén bhrí atá le cuid de na hacrainmneacha trí litir atá in úsáid go coitianta i saol na ríomhaireachta anois.

Míníonn David Leydon cuid de na háiseanna atá le fáil ar Gaelport.com, suíomh gréasáin atá á fhorbairt ag Comhdháil Náisiúnta na Gaeilge, an eagraíocht a bhfuil sé ag obair di.

San alt rialta seo, ceistíonn Beo! duine as eagras, comhlacht nó institiúid de chuid na Gaeilge faoin obair atá á déanamh acu. An mhí seo: Dorothee Uí Cheallaigh, Ionad Foghlama Chléire, Oileán Chléire, Contae Chorcaí.

Déanann Liz Curtis cur síos an mhí seo ar chuid de na heachtraí eile a bhain di agus í ar a bealach go Lucca san Iodáil le freastal ar chúrsa teanga agus ar an bhaile féin.

Gearrscéal le Colin Ryan.

Tá dearcadh na náisiúnaithe i mBéal Feirste i leith an IRA tar éis athrú go mór le tamall anuas, go háirithe ó dúnmharaíodh Robert McCartney, mar a mhíníonn Robert McMillen.

Tá an chaoi a bhfuil Baile Átha Cliath ag síorfhás ag déanamh an-dochair do na cluichí Gaelacha sa chathair agus sa cheantar máguaird, dar le Colm Mac Séalaigh.

Sa tsraith seo, cuireann Róise Ní Bhaoill agus Gordon McCoy cora cainte agus focail i láthair atá le fáil sa Ghaeltacht ach nach mbeadh ar eolas ag mórán de lucht foghlamtha na Gaeilge. Díríonn siad ar théama faoi leith gach mí. An mhí seo: ag socrú lóistín.

D’oibrigh Eoin Mac Thiarnáin go crua ar son na Gaeilge agus chultúr na hÉireann le linn a shaoil agus anois tá airgead a bhronn sé ina thiomna chun dul go mór chun sochair don oideachas trí Ghaeilge sna Sé Chontae. Tuairisc ó Eoghan Ó Néill.

Tá dráma nua trítheangach á léiriú sa Bhreatain Bheag agus in Éirinn i mí an Mhárta a dhíríonn ar thréimhse staire a bhfuil an-suim ag Tony Birtill inti.