Chaith an Dr Caoilfhionn Nic Pháidín fiche bliain ag plé le hobair acadúil san Acadamh Ríoga, go dtí go bhfuair sí post mar Stiúrthóir ar Fiontar in Ollscoil Chathair Bhaile Átha Cliath i 1999. Labhair Aoife Nic Cormaic léi faoin dul chun cinn atá déanta aige ó chuaigh sí i mbun na hoibre sin ceithre bliana ó shin.

Cúpla mí ó shin, bhí daoine an-tógtha le Facebook. Ach anois, dar le Diarmuid Mac Mathúna, níl muinín ag úsáideoirí as an suíomh gréasánaithe sóisialta a thuilleadh.

Tá go leor daoine sna Stáit Aontaithe ag súil le deireadh uachtaránacht George Bush. Ach an bhfuil slánaitheoir i measc na n-iarrthóirí don chéad téarma eile, a fhiafraíonn Brian Ó Broin.

Tugann Balor Béimeann na Súile Nimhe a chomhairle saor in aisce a thaisce: tú féin a choimhéad ar gach baois, léigh a chuid alt le gach gaois agus guíonn gach Bean Nocht na hathbhliana ort.

Caitheann Balor a shúil nimhe siar ar imeachtaí na bliana atá díreach imithe.

Tá próiseas ar bun ag Foras na Gaeilge an mhí seo le conradh a bhronnadh chun nuachtán Gaeilge ar líne a fhorbairt. Amharcann Breandán Delap ar sé dhúshlán a bheas le sárú ag buaiteoir an chomórtais.

Céard a tharraingíonn duine isteach i gcultúr? Cén fáth a shantódh duine a tógadh i gcultúr láidir na milliún cainteoirí dúchais, cultúr nach bhfuil chomh líonmhar ná chomh fairsing lena cultúr féin? Sin an cineál ceiste a bhí ar Katie Nic Aindréis thall i Virginia.

Cailleadh an deis, dar le Dónall Ó Maolfabhail, díospóireacht a chothú mar gheall ar roinnt ceisteanna móra nuair a shocraigh páirtithe an fhreasúra nach gcuirfidís iarrthóirí chun cinn don uachtaránacht.

Ba chúis bhróid do mhuintir na hÉireann agus do mhuintir Phoblacht na Seice é an deilbhín beag órga a bronnadh ar Glen Hansard agus Irglova le déanaí. San alt seo, insíonn Caoimhe Ní Laighin dúinn mar gheall ar an scannán álainn [i]Once[/i] a raibh an bheirt acu páirteach ann. Tá an t-alt seo dírithe ar dhaltaí Ardteistiméireachta ó thaobh leibhéal deacrachta na teanga de.

I dtrátha an ama seo anuraidh bhí pictiúir le feiceáil ar scáileáin theilifíse ar fud an domhain de chailíní Scoil na Croise Naofa i mBéal Feirste á maslú go fíochmhar ag léirsitheoirí dílseacha agus iad ar a mbealach ar scoil. Tá ráflaí ag dul timpeall arís, a deir Robert McMillen, go gcuirfear tús leis na léirsithe seo in athuair.

Beidh spárálaí scáileáin de ghrianghraif as ceantar Gaeltachta le fáil i ngach eagrán de Beo. An mhí seo: Gleann Cholm Cille, Contae Dhún na nGall.

Díoladh pictiúr de chuid Rembrandt, Naomh Séamas Mór, ar $25.8 milliún i Nua-Eabhrac an mhí seo caite. Míníonn Ciara Nic Gabhann cén fáth, dar léise, a bhfuil oiread fiúntais ag baint le saothar an ealaíontóra Ollannaigh seo.

Déanann an comhfhreagraí idirnáisiúnta Alex Hijmans cur síos ar léirsiú a chonaic sé i gcathair Salvador, sa Bhrasaíl, mar a bhfuil cónaí air.

Tá leabhar nua dar teideal [i]A New View of the Irish Language [/i] díreach foilsithe ag Cois Life. Leabhar thar a bheith suimiúil is ea é a thaitneoidh go mór le daoine a bhfuil spéis acu sa Ghaeilge, sa tsochaí Éireannach agus sa tsochtheangeolaíocht, dar le Caoimhe Ní Laighin.