Tá drochamhras idir an CIA agus an FBI le roinnt mhaith blianta anois ach, mar a mhíníonn Barra Ó Donnabháin, tá iarrachtaí á ndéanamh ó tharla an tubaiste i Nua-Eabhrac ar an 11 Meán Fómhair an scéal a leigheas agus iad a chur ag obair as lámh a chéile.

Caithfear leasú na poblachta a chur i gcrích, nó fágfar dochar agus doghrainn roimh an nglúin inár ndiaidh dar le Ciarán.

Is mór an onóir do [i]Beo![/i] go bhfuil ár gcomhfhreagraí céimiúil Balor i ndiaidh a bheith linn le hochtó eagrán anuas. Ina ochtódú colún, déanann sé cur síos ar imeachtaí an tsamhraidh fhliuch anóitigh atá díreach curtha dínn againn.

Chaith Donncha Ó hÉallaithe súil ar na figiúirí a foilsíodh le gairid ón Daonáireamh a tógadh Aibreán seo caite. Deir sé gur ábhar dóchais atá iontu ar an láimh amháin ach ag an am céanna, fiafraíonn sé an bhfuil níos mó den Pholainnis á labhairt in Éirinn faoin am seo ná Gaeilge?

Chaith Balor cúpla lá pléisiúrtha i measc réaltaí na Gaeilge ag an Irish Fest i Milwaukee Mheiriceá an mhí seo caite.

Níl saoi gan locht agus tá Tomás Ó Maolalaidh den tuairim gurb shin é an scéal ag Maradona, bainisteoir na hAirgintíne, é. Tá sárpheileadóirí fágtha as agus tá seanfhondúirí roghnaithe ina n-áit.

Is breá le Liz Curtis am a chaitheamh ar chladaí Loch Cuan i gContae an Dúin. Ach fiú in áit chomh suaimhneach síochánta sin, ní féidir dearmad a dhéanamh ar stair achrannach na Sé Chontae.

Bronnadh Gradam Litríochta Chló Iar-Chonnachta 2004 ar Celia de Fréine an mhí seo caite dá cnuasach filíochta Fiacha Fola. Luach €5,000 atá ar an duais seo agus is é Údarás na Gaeltachta urra an Ghradaim. Scannal an Heipitítis C atá faoi chaibidil sa tsraith dánta sa chnuasach. Seo thíos dhá cheann acu.

Agus camchuairt díreach críochnaithe ag Kila, tá Colm Ó Snodaigh ag súil le tréimhse níos ciúine agus níos réchúisí, as a dtiocfaidh inspioráid don cheol úr.

An duine óg, fuinniúil, siúlach, a cailltear i dtaisme bóthair is nach n-áirítear go hoifigiúil ach mar mhír staidrimh, mairfidh cuimhne ar a láiche is ar a luach go brách i measc a muintire féin, ní a thuigeann Máiréad Uí Shúilleabháin, comharsa Catherine Foley.

Chuile uair a fhógraítear go bhfuil leaid óg ceithre bliana déag d’aois ag dul anonn go leithéidí Arsenal nó Manchester United, ó chlub sacair Éireannach éigin ar nós Belvedere, cloiseann muid an port céanna i gcónaí: cén t-ionadh go bhfuil sraith sacair na hÉireann chomh lag sin nuair atá na himreoirí is fearr sa tír á mealladh trasna na farraige chuig clubanna móra na Breataine?

Is eolaí é Aralt Mac Giolla Chainnigh atá ina chónaí in Ontario, Ceanada. Míníonn sé anseo cad é mar a d’fhoghlaim sé an Ghaeilge agus labhraíonn faoi fhís atá aige féin agus roinnt Gaeilgeoirí eile sa tír.

Is ait an mac an pholaitíocht; Martin McGuinness le labhairt ag Comhdháil na gCoimeádach? An DUP, na Tóraithe móide LibDem agus Sinn Féin, b’fhéidir, a deir Robert McMillen, gurb shin an meascán a bhéarfas an chaoinfhulaingt agus an fhíorpholaitíocht chun tosaigh.

Tá iomaíocht ghéar i gceist i margadh na gcluichí ríomhaireachta, go háirithe ó láinseáil Microsoft a ngléas féin, an Xbox. Tuairisc ó Dhiarmaid Mac Mathúna.