Tá sé dhuais déag, ina measc ceann ag Gradaim Scannán agus Teilifíse na hÉireann ag deireadh na míosa seo caite, buaite ag Yu Ming Is Ainm Dom, gearrscannán Gaeilge leis an stiúrthóir Daniel O’Hara as Baile Átha Cliath. Labhair Ruth Nic Giolla Iasachta leis faoin scannán seo agus faoin gceann nua atá díreach eisithe, Fluent Dysphasia.

Creideann an t-údar George Marlin gurb iad na Caitlicigh Ghael-Mheiriceánacha a shocróidh cé a bhainfidh toghchán na huachtaránachta sa tír an mhí seo. Tuairisc ó Tom Deignan.

Agus í ag éirí aníos sna Stáit Aontaithe, chreid Mary Beth Taylor gur daonlathas ceart a bhí sa tír, ach níl sí den tuairim sin a thuilleadh.

Tá tathag ag baint le taispeántas Dhuais Turner i nGailearaí an Tate i Londain i mbliana nach bhfacthas cheana féin. Tuairisc ó Mary Beth Taylor.

Míníonn Pól Ó Fearghusa cad iad na gníomhaíochtaí a mbaineann sé úsáid astu agus é i mbun ranganna Gaeilge do dhaoine fásta in Union County, New Jersey.

Tá na deirfiúracha Liz & Yvonne Kane as Leitir Fraic i gContae na Gaillimhe tar éis a ndara halbam, Under the Diamond, a eisiúint. Labhair Antaine Ó Faracháin leo faoin albam nua seo agus faoina ndearcadh ar an gceol.

Cé gur léirigh dhá phobalmheas roimh an olltoghchán san Astráil nach raibh mórán muiníne ag an bpobal as an bPríomhaire John Howard, d’éirigh lena pháirtí an bua a fháil sa toghchán sin mar sin féin. D’éirigh le Howard, dar le Dáithí Ó Colchúin, de bharr gur chuir sé imní ar an bpobal, go háirithe orthu siúd a bhfuil morgáistí acu.

Tá cosc ar go leor gléasanna leictreonacha ar eitleáin faoi láthair, gutháin shoghluaiste san áireamh, ach d’fhéadfadh athrú a theacht ar an scéal sin sna blianta atá amach romhainn. Tuairisc ó Dhiarmaid Mac Mathúna.

San alt rialta seo, ceistíonn Beo! duine as eagras, comhlacht nó institiúid de chuid na Gaeilge faoin obair atá á déanamh acu. An mhí seo: Áine Ní Chonghaile, EUROPUS Teoranta, An Cheathrú Rua, Conamara.

Tá fáil ag níos lú daoine in Éirinn ar an leathanbhanda ná mar atá i bhformhór na dtíortha san Eoraip agus is ar Eircom is mó a chuireann Caoimhe Ní Laighin an milleán go bhfuil cúrsaí amhlaidh.

Tá Liz Curtis an-tógtha le Loch Cuan i gContae an Dúin, áit a mbíonn sí go minic.

Gearrscéal le Seán Ó Siadhail.

Cén fáth, a fhiafraíonn Robert McMillen, nach bhfuil páirtí sóisialach tagtha chun cinn sna Sé Chontae, limistéar a bhfuil oiread bochtaineachta ann.

Tá an-imní ar Cholm Mac Séalaigh faoi na hionsaithe atá á ndéanamh ar imreoirí le linn chluichí Chumann Lúthchleas Gael ó cheann ceann na tíre.

Sa tsraith seo, cuireann Róise Ní Bhaoill agus Gordon McCoy cora cainte agus focail i láthair atá le fáil sa Ghaeltacht ach nach mbeadh ar eolas ag mórán de lucht foghlamtha na Gaeilge. Díríonn siad ar théama faoi leith gach mí. An mhí seo: ag ceannach bronntanas Nollag do pháistí.

Cuireann Ruth Nic Giolla Iasachta síos ar Pháras, cathair a bhfuil sí ag cur fúithi inti anois le cúpla seachtain anuas.

Tá cónaí ar Tony Birtill i Walton i Learpholl, an ceantar arbh as Ken Bigley, an giall a mharaigh grúpa Moslamach san Iaráic an mhí seo caite. Féachann sé ar dhearcadh mhuintir na háite ar an chogadh san Iaráic agus an dóigh a ndeachaigh bás Bigley i bhfeidhm orthu.

Ní chreideann muintir Thuama i gContae na Gaillimhe an Taoiseach Bertie Ahern níos mó de bhrí nár chomhlíon sé gealltanas a thug sé dóibh ocht mbliana ó shin, mar a mhíníonn Uinsionn Mac Dubhghaill.