Ní raibh Ray Yeates, stiúrthóir nua Ionad Ealaíon an Axis i mBaile Munna, ach cúig bliana is fiche nuair a d’éirigh leis post tábhachtach a fháil in Amharclann na Mainistreach i mBaile Átha Cliath. Tar éis cúpla bliain, áfach, briseadh as an bpost sin é agus thosaigh an tóin a thitim as a shaol. Mhínigh sé do Chaoimhe Ní Laighin le gairid conas a shábháil a dhúil sna healaíona é.

Tá sé níos deacra ná mar a bhí riamh ag na hÉireannaigh lonnú i Nua-Eabhrac, mar a mhínigh roinnt daoine a bhíonn ag obair le hinimircigh sa chathair do Tom Deignan.

Tá bliain mhór i ndán do mhuintir Chorcaí in 2005, mar a mhíníonn Ciara Nic Gabhann.

Tá Giobráltar ina chnámh spairne idir an Spáinn agus an Bhreatain le beagnach trí chéad bliain anois ach b’fhéidir go bhfuil réiteach i ndán don aighneas sa deireadh, mar a mhíníonn Pádraig Ó Domhnalláin.

Tá leabhar nua gramadaí, A Learner’s Guide to Irish, leis an Mheiriceánach Donna Wong, díreach foilsithe ag Cois Life. D’inis an t-údar d’Éamonn Ó Dónaill cad é a spreag a suim sa Ghaeilge agus cén fáth ar chinn sí ar an leabhar seo a scríobh.

Tá an Astráil ag cur a ladair isteach i ngnóthaí tíortha eile de chuid an Aigéin Chiúin a bhfuil fadhbanna polaitiúla ag teacht chun cinn iontu. Tuairisc ó Dháithí Ó Colchúin.

Tá comhairle ag Balor dóibh siúd go léir ar mian leo dea-rúin a scríobh ach nach bhfuil fonn orthu cloí leo.

Féachann Dónall Ó Maolfabhail ar an tslí ar éirigh le Bertie Ahern na cosa a thabhairt leis arís in 2004 mar cheannaire ar Fhianna Fáil, in ainneoin torthaí tubaisteacha sna toghcháin áitiúla.

San alt rialta seo, ceistíonn Beo! duine as eagras, comhlacht nó institiúid de chuid na Gaeilge faoin obair atá á déanamh acu. An mhí seo: Muireann Ní Mhóráin, an Chomhairle um Oideachas Gaeltachta agus Gaelscolaíochta, Baile Átha Cliath.

Nuair a luigh Liz Curtis isteach ar an Iodáilis a fhoghlaim anuraidh, ba bhuntáiste í an taithí a bhí aici mar fhoghlaimeoir Gaeilge.

Is iad na páistí i gceantracha bochta a bheas thíos leis na ciorruithe atá á ndéanamh san oideachas i dTuaisceart Éireann, dar le Robert McMillen.

Bíonn spárálaí scáileáin de ghrianghraif as ceantair éagsúla, cinn Ghaeltachta san áireamh, le fáil i ngach eagrán de Beo!. An mhí seo: Leaca Bán, in aice le Béal Átha an Ghaorthaidh, Contae Chorcaí

Déanann Colm Mac Séalaigh na hathruithe ar rialacha na gcluichí Gaelacha atá beartaithe don bhliain úr a mheas.

Sa tsraith seo, cuireann Róise Ní Bhaoill agus Gordon McCoy cora cainte agus focail i láthair atá le fáil sa Ghaeltacht ach nach mbeadh ar eolas ag mórán de lucht foghlamtha na Gaeilge. Díríonn siad ar théama faoi leith gach mí. An mhí seo: faoin tír san oíche.

Tá cinneadh déanta ag an Steam Packet Company deireadh a chur leis an tseirbhís farantóireachta an-tapa idir Learpholl agus Baile Átha Cliath, rud a bheidh ina bhuille an-mhór dá chathair dhúchais, dar le Tony Birtill.