Tá sé thar am múineadh na Gaeilge a fheabhsú, gan dabht, agus gan breis ábhar cáinte agus clamhsáin a thabhairt do naimhde na teanga. Tá praiseach á déanamh den scéal le hochtó bliain anuas, agus ní fiú teanga ar bith a mhúineadh mar sin. Is í Roinn Oideachais na hÉireann an namhaid is measa, b'fhéidir. Mar Astrálach, táim sásta réiteach (nó neamhréiteach) an scéil a fhágáil faoi na hÉireannaigh féin, ach fágann múineadh ciotach na Gaeilge in Éirinn a rian ar shaothrú na teanga ar fud an domhain.

Féach ar an alt seo - moltaí ciallmhara le seans a thabhairt do mhúinteoirí an Ghaeilge a mhúineadh i gceart. Tá an córas reatha lochtach, ach tá réiteach simplí go leor ann.

http:/​/​foinse.ie/​eagarfhocal-a-litreacha/​litreacha/​3722-na-fadhbanna-a-bhaineann-le-teagasc-na-gaeilge

Agus an t-alt seo freisin.

http:/​/​www.independent.ie/​opinion/​letters/​tongue-twisted-26843341.html

- Daltaí a mhúineadh ag an leibhéal ceart le dhá cháilíocht dhifriúil do fhoghlaimeoirí a bhfuil an Ghaeilge acu mar chéad teanga agus mar dhara theanga
- Scrúdú béil éigeantach ag leibhéal an Teastais Shóisearaigh
Tá sé uilig le ciall. Cén fáth nach féidir linn na rudaí simplí seo a dhéanamh as nós tíortha eile?

Is ea ach níl ag éirí leis na marcanna breise don scrúdú béil don ardteist. Níl na daltaí ach ag foghlaim seachtain de ghlac mheabhair.

Nach fearr sin ná a bheith ag foghlaim sleachta as Peig de ghlac (sic) mheabhair?