Is dráma uair a chloig nuascríofa é seo a fuair coimisiún faoin scéim ‘Fuaim agus Fís’ de chuid an Choimisiún Chraolacháin.

Tá an scéal inste i monlóga atá fite fuaite ina chéile. Mar a deir an carachtar Tríona, “Tá dhá leagan ar gach scéal agus dhá leagan déag ar gach amhrán”.

Cliar agus Ceol

Cloisfear amhránaíocht mar chuid den dráma ó Mairéad Déiseach (amhránaí álainn agus stiúrthóir ar roinnt chór) agus ó Threasa Ní Mhiolláin (amhránaí cáiliúil Árann a chasann ‘Caoineadh na dTrí Mhuire’). (http://www.youtube.com/watch?v=Obw1pdVoH7A) Cloisfear chomh maith le sin, roinnt fonn ar na píobaí uillinne ó Dave Fadden, ar nós ‘Inis Oírr’, ‘Port na bPúcaí’,‘An Mhaighdean Mhara’ agus fonn a cumadh don dráma: ‘Dún Chonchúir’. (http://www.youtube.com/watch?v=enHzKQqg4QY&feature=related) (http://www.youtube.com/watch?v=HQjrUj40490&feature=related)(http://www.youtube.com/watch?v=_2Wc8KaACQ8&feature=related)

I measc na n-aisteoirí ata páirteach sa drama, tá Darach Mac Con Iomaire (a bhí i Ros na Rún tráth agus a stiúraigh roinnt drámaí freisin), Darach Ó Tuairisc (Ros na Rún, Fíbín agus go leor eile), Mairéad Déiseach, Treasa Ní Mhiolláin agus Tom Ó Súilleabháin (aisteoir as ‘The Clinic’ ar RTE agus go leor drámaí eile). Ba é Seán Ó Cearúil a bhí i mbun eagarthóireachta agus a rinne obair an-fheidhmiúil ar chúrsaí fuaime an chláir. (http://www.rosnarun.com/)

An tÚdar

http://ga.wikipedia.org/wiki/InisMe%C3%A1in)(http://www.antoireachtas.ie/staging007/index.php?page=ff&tid=17)

Faoi láthair tá Brian ag obair ar chlár faoin Athair Joe Mallin, Íosanach agus mac le Michael Mallin, duine de cheannairí 1916 a cuireadh chun báis i ndiaidh an Éirí Amach. Tá an tAthair Mallin fós beo agus ina chónaí i Hong Kong, ach rinne sé cúpla agallamh don chlár nuair a tháinig sé abhaile le déanaí. (http://en.wikipedia.org/wiki/Michael_Mallin)

Raidió na Life

Tá Raidió na Life, ‘Cuisle na Cathrach’, le cloisteáil ar an minicíocht 106.4 FM, nod don té a bheas ag taisteal abhaile tráthnóna Dé hAoine, nó ag am ar bith. Tá an staisiún sé bliana déag ar an saol i mbliana agus é faoi stiúir chumasach Mhuiris Uí Fhiannachta agus a fhoireann. Is féidir éisteacht leis an stáisiún ar an raidió i mBaile Átha Cliath agus sa cheantar máguaird.

Is féidir éisteacht le Raidió na Life beo ar an idirlíon in aon áit mórthimpeall an domhain ag an seoladh www.radionalife.ie . Tá neart eolais eile faoin stáisiún agus faoin sceideal clár le fáil ar an suíomh céanna.

Is scríbhneoir agus stiúrthóir é Brian Ó Tiomáin. Seo an dara dráma aige ar an Raidió i mbliana. Craoladh a dhráma ‘Níl tú ag siúl amach le lead ón Northside’ ar RTÉ Raidió1 i rith Sheachtain na Gaeilge ní ba luaithe i mbliana. Tá príomhdhuais i gcomórtais éagsúla de chuid Chomórtais Liteartha an Oireachtais buaite aige le ceithre bliana anuas as a chéile. Tá spéis ar leith aige in Oileáin Árann agus téann sé ann ar saoire chuile bhliain lena theaghlach. (

Tá scéal an dráma lonnaithe in Oileáin Árann agus tá fuaimeanna an oileáin le cloisteáil tríd an dráma chomh maith le ceol agus le hamhránaíocht. Tá an scéal féin bunaithe ar imeachtaí a thiteann amach nuair a thosaíonn ‘An Strainséir’ ag cur ceisteanna faoi eachtra inar cailleadh iascaire amuigh ar an bhfarraige. Tuigtear, de réir a chéile, go bhfuil a chuid fiosraithe agus a chairdeas le cailín as an oileán ag cur an Strainséir féin i mbaol. Cloistear leaganacha éagsúla den scéal ó chúigear éagsúil, ina measc an Strainséir féin agus an t-iascaire marbh é féin chomh maith.