Delicious
Facebook
Stumple Upon
Digg
Reddit
Tabhair cuairt ar bhlag Chois Life agus caith súil ar an fhíseán ann (sa nasc anseo thíos) chun freagra na ceiste seo a aimsiú:
Céard “a bhí in intinn” an údair, Liam Ó Muirthile, “seachas who dunnit” san úrscéal ‘Sceon na Mara’?
Nasc anseo: Blag Cois Life
Seol do fhreagra chuig alt@beo.ie roimh an 25 Samhain 2010 agus bíodh na focail ‘Comórtas na Samhna’ mar theideal ar do theachtaireacht. Tabhair do sheoladh baile sa teachtaireacht, le do thoil.
Duaiseanna
Beidh beirt bhuaiteoirí i gceist agus gheobhaidh siad mar dhuais an leabhar:
‘Sceon na Mara’ le Liam Ó Muirthile
Nó:
‘Gaolta Gairide’ le Máirín Nic Eoin (eag.)
‘Sceon na Mara’ – le Liam Ó Muirthile
ISBN: 978-1-907494-00-0
Foilsithe: 2010
Leathanaigh: 182
Le ceannach ó Amazon (Ríomhleabhar Kindle / Kindle eBook). »
Scéal bleachtaireachta é Sceon na Mara a bhaineann go dlúth leis an bhfarraige ar an gcósta thoir, agus a thugann léargas ar stráice comhaimseartha de shaol na hÉireann. Tá dúnmharfóir ban amuigh ansin, é ag baint sásaimh as craos cortha a shamhlaíochta féin. Nó an bhfuil sé inár measc féin? Tá an pobal Filipíneach go háirithe, scanraithe. Jack Hennessy agus a mheitheal a chaitheann dul sa tóir air. Fear stuama, righin é Hennessy. Agus mar is dual don iar-iomanaí contae seo as Cill Chainnigh, tá an diongbháilteacht go smior ann. Is féidir féachaint ar fhíseán ina gcuireann Liam Ó Muirthile síos ar an leabhar ach brú anseo.
‘Gaolta Gairide’ le Máirín Nic Eoin (eag.)
Rogha dánta comhaimseartha ar théamaí óige agus caidrimh teaghlaigh,
Eagrán úr méadaithe (ó 2001):
Le Máirín Nic Eoin
ISBN: 978-1-901176-27-8
Foilsithe: 2001
Leathanaigh: 96
Rogha dánta comhaimseartha le filí éagsúla ar théamaí óige agus caidrimh teaghlaigh móide réamhrá léirmhínitheach le Máirín Nic Eoin. Léachtóir le Nua-Ghaeilge i gColáiste Phádraig,Droim Conrach, is ea an Dr Máirín Nic Eoin. Ar na leabhair eile atá scríofa aici tá B’ait leo bean: gnéithe den idé-eolaíocht inscne i dtraidisiún na Gaeilge a bhuaigh duais an Irish Times 1999 don leabhar Gaeilge ab fhearr, agus Trén bhFearann Breac (2005) a d’fhoilsigh Cois Life.